Törek hawa yulları qayber reysların ğamäldän çığardı

Törek hawa yulları häm Pegasus avialiniyaläreneñ İran häm İzrail arasındağı kiyerenkelek, şulay uq kürşe illärneñ hawa kiñleklären yabuı arqasında İran, Yordaniya, Ğıyraq häm Livanğa reysları ğamäldä çığarıldı.

İrannıñ İzrailgä höcümennän soñ Livan, Ğıyraq, İran häm Yordaniya uzğan tönne hawa kiñleklären yaptı.

Törek hawa yulları häm Pegasus ta bu illärgä uzğan tönne häm bügen başqarıluı planlaştırılğan oçqıç säfärlären ike yaqlı bularaq ğamäldän çığardı.

Töbäkkä oçuçı oçqıçlar da kire İstanbulğa cibärelde.

Törek hawa yullarınıñ kiçäge İstanbul-Tähran, İstanbul-İsfahan, İstanbul-Şiraz, İstanbul-Mäşhäd oçqıçlarınıñ yünäleş üzgärtep, İstanbulğa kire qaytuı açıqlandı.

Törek hawa yullarınıñ Kuala Lumpur-İstanbul oçqıçı da Dubayğa cibärelde.

AJet häm Pegasus hawa yullarınıñ İstanbuldağı Sabiha Gökçän aêroportında İran, Ğıyraq reysları ğamäldän çığarıldı. Bu illärgä oçuçı oçqıçlar Ärzurum, Diyarbakır, Älazığ häm tirä-yaqtağı hawa mäydannarına cibärelde.

Şul arada, Ğıyraq, Yordaniya häm Livan uzğan tönne yapqan hawa kiñleklären qabat açtı.

İzrail dä keşesez hawa apparatları höcüme arqasında 7 sägät’ yabıq bulğan hawa kiñlegeneñ grajdan aviaśiya öçen qabat açıluın citkerde.