Törkiyä - Ğazzägä yärdäm kürsätüdä ikençe

Törkiyä Ğazzägä kürsätkän gumanitar yärdämnäre 42 meñ tonnağa citte.

Tışqı êşlär ministrlığınıñ X sośial’ mediadağı akkauntınnan yasalğan belderüdä Törkiyäneñ Ğazzägä 7 oktäbr’dän bügengä qadär 42 meñ tonnalık gumanitar yärdäm kürsätüe citkerelde.

İzrail saqlanu ministrlığına bäyle töbäklärdäge Xökümät êşçänlekläre koordinatorlığınıñ internet säxifäsendäge mäğlümatlarına kürä isä Törkiyä İzrail höcümnäre astındağı Ğazzä sızığına iñ küp gumanitar yärdäm ireştergän ikençe il buldı. Törkiyäneñ yärdäm küläme 23%ka citte.

Xökümät êşçänlekläre koordinatorlığınıñ 31 mart könge mäğlümatlarınnan kürengänçä Ğazzä sızığına 26%lık gumanitar yärdäm küläme belän Berlӓşkӓn Ğaräp Ämirlekläre berençe buldı.

İkençe urında bulğan Törkiyädän soñ 16% belän Soğud Ğaräbstanı, 8% belän Qatar kilä.

26 mart könne Ğazzä sızığına kerergä röxsät birelgän 21 aşığıç yärdäm kürsätü maşinasınnan 9ı Törkiyä tarafınnan cibärelde. Törkiyä bu mäs’älädä berençe buldı. 8 aşığıç yärdäm maşinası belän Kuveyt kilä.

Törkiyä İzrail höcümnäre başlanğan könnän bügengä qadär Misır belän koordinaśiya êçendä Ğazzägä kiñ qırlı gumanitar yärdäm ireşterergä däwam itä.

İzrail Misır çigendäge Räfax çik buyı qapqasınnan Ğazzägä gumanitar yärdämnärneñ kerüenä röxsät birüe öçen yasaluçı xalıqara çaqırularğa qolaq salmıy.