AQŞ senatı Törkiyägä "F-16"larnı satu yaqlı
“Törkiyägä “F-16” xärbi oçqıçların satunı tıyu”nı küzallawçı qanun proyektın qabul itmädelär
2109401
AQŞ senatı “Törkiyägä “F-16” xärbi oçqıçların satunı tıyu”nı küzallawçı qanun proyektın kire qaqtı. Anı 5nçe fevral’dä Kentukki ştatı senatorı Sand Pol täq’dim itkän ide. Dokument ölgesen barı 13 senator yaqladı, 79ı isä qarşı çıqtı.
Şulay itep, Pol berüze täq’dim itkän häm AQŞnıñ Törkiyägä “F-16” xärbi oçqıçların satuın kirtälärgä tırışuçı iniśiativa Senattan uza almadı.
AQŞ däwlät departamentı 26nçı ğıynvarda Törkiyägä 40 danä “F-16” xärbi oçqıçın satu häm qulında bulğannarın modernizaśiyäläw mäs’äläsendä Kongressqa räsmi belderü yasadı. Şunnan soñ 15 könlek tikşerü häm kire qağu prośessında barı Kentukki senatorı Sand Polnıñ Senatqa kertkän ölgese könüzägenä kilde.
