Ärdoğan Adanada mitingta qatnaştı

İlbaşı Räcäp Tayyip Ärdoğan Törkiyäneñ global’ köçkä äwerelü yulında nıqlı adımnar belän alğa baruın belderde. Ul "AK" partiyäneñ Adanada oyıştırılğan mitingında çığış yasadı.

“Tışqı säyäsättä artqan abruyıbıznıñ artında köçle saqlanu sänäğatebez bar. Tarmaqta tışqa bäylelegebez kimegän sayın tışqı säyäsättä näticälegebez arttı. Wazıyfağa kereşkändä 80% tiräse başqalarğa moxtac xäldä idek. Tışqı säyäsättä Awrupadan “afärin” süze alırğa tırışuçı tügel, turı häm nıq toruı belän böten dön’yada bäyälänüçe däwlät buldıq”,-dip söyläde ilbaşı.

Ärdoğan Törkiyäneñ saqlanu sänäğate alanında dästan yazuın, bügen 34 törle ilneñ küklären törek dronnarı saqlawın söyläde.

“Törkiyäneñ uñışları bezneñ täwäkkällegebezne arttıra, dus illärgä ürnäk bula”,-dide ul.