Ärdoğan - Alpär Gäzäravcı söyläşüe uzdı

Törkiyä ilbaşı Räcäp Tayyip Ärdoğan Xalıqara ğaläm stanśiyasendä Törkiyäneñ berençe keşele ğaläm missiyasen tämamlap qaytqan astronavt Alpär Gäzäravcı belän telefonnan söyläşte.

Wazifasın uñışlı tögällägäne öçen Gäzäravcığa räxmät beldergän Ärdoğan tübändägeçä däwam itte: “İnşallah Änkarağa kilgäç tä üzara küreşep, bezgä barlıq barışnı añlatsañ bik şat bulırbız. Monnan soñ da üzeñä bik möhim wazifalar tapşırılaçaq.”

Alpär Gäzäravcı ilbaşınıñ “Sälamätlegeñ niçek?” sorawına bolay dip cawap birde: “Allağa şöker, bik yaxşı.”

Törkiyägä häm kiläse buınnarğa ilham çığanağı bulğan wazifa birgäne öçen Törkiyä ilbaşı Räcäp Tayyip Ärdoğanğa räxmäten beldergän törek astronavtı: “İlebezne Xalıqara ğaläm stanśiyasenä ireştergän 22nçe il ittegez. Ğalämdä başqarılğan missiyalär arasınnan belem aludan başlap Xalıqara ğaläm stanśiyasenä ireşkän iñ tiz il buldıq,” – dide.