İlbaşı Zonguldakta çığış yasadı
Ärdoğan :"Ênergiyädä tulı bäysezlekkä ireşü - iň möhim maqsatıbız"
Törkiyä ilbaşı “Ğadellek häm üseş” partiyäse ğomum başlığı Räcäp Tayyip Ärdoğan Zonguldakta uzğan mitingta çığış yasadı.
Ul üz çığışında Qara diňgezdä tabılğan tabiği gaznıň toraq yortlarda kuxnyada häm su cılıtu öçen qullanılğan 25 kub metr külämendäge öleşen 11 ay buşlay birüläen xäterlätep monı aprel’gä qadär ozaytuların äytte.
Ärdoğan seysmik êzläw häm borawlaw êşläreneň dä däwam itüen belderde.
İlbaşı ênergiyädä tulı bäysezlekkä ireşüneň iň möhim maqsatları buluın assızıqladı.
”Bez Törkiyäneň ênergiya qurqınıçsızlığın garantiyäli torğan adımnarnı qatğıy räweştä tormışqa aşırabız”,-dide ul.
Qara diňgezdä tabiği gaz tabılğannan soň Şırnak Gabarda da küp häm sıyfatlı neft’ tabıluın iskä töşerep:“Gabardağı neft’ skvajinasınıň köndälek citeşterüe 35 meň miçkädän arttı. Bu kürsätkeç könnän-kön arta. 2024 nçe yıl axırına Gabarda köndälek neft’ çığaru külämen 100 meň miçkägä qadär arttırırğa uylıybız”,-dide Ärdoğan.
Ul şulay uq kiläse çorda neft’ ,tabiği gaz yağınnan xalqıbızğa yaxşı xäbärlär citkerergä ömetlänülären dä äytte.
