Törkiyä turizmda rekord quydı

Törkiyä uzğan yıl turizm tarmağında rekordlar yasadı. Mädäniyat häm turizm ministrı Mäxmät Nuri Ärsoy bu xaqta İstanbulda yasağan çığışında citkerde. “İlgä kilüçe sanı 56 million 700 meñgä citte häm 56 milliard dollar kerem aldıq”,-dide ul. Ministr bıyıl öçen maqsatlarnıñ tağın da zur buluın assızıqladı. Tarmaq 60 million turistnı qunaq itep, 60 milliard dollar kerem alırğa isäpli.

Ministr Ärsoy yaña çorda turizmda yaña bazarlarğa iğ’tibarların arttıraçaqların belderep bolay dide: “Bu yarışta berdänber köndäş itep üzebezne küräbez. Här yıl üz rekordıbıznı uzdıru öçen könne töngä yalğap êşlibez”.