Aljir ilbaşı Törkiyä belän kileşü berketmäläre häm xezmättäşlek protokolın rasladı

Aljir ilbaşı Abdulmäcid Täbbun Törkiyä belän törle tarmaqlarnı üz êçenä alğan 4 kileşü berketmäse häm xezmättäşlek protokolın rasladı.

Täbbunnıň raslawı Aljir “Räsmi gazet”ınıň soňğı sanında basılıp çıqtı.

Täbbun raslağan häm ike il arasında imzalanğan kileşü berketmäse belän xezmättäşlek protokolı soŝial’ xezmätlär, êkologiya, taw sänäğate, çik ar’yağın da kertep oyışqan cinayät’çelekkä qarşı xezmättäşlek, mäğarif häm uqıtu, texnologiya, balıqçılıq häm diňgez produktları, şähär tözeleşe ,media häm êlemtä ölkälären üz êçenä ala.

Aljir ilbaşı Abdulmäcid Täbbun ilbaşı bulğan waqıttağı Törkiyägä berençe säfären 2022 nçe yılnıň 15 häm 17 nçe mayında yasadı.

Bu säfär qısalarında ike il arasında Urtaq xezmättäşlek şurasınıň berençe utırışı ütkärelde, vizit näticäsendä küp tarmaqlarnı üz êçenä alğan kileşülär imzalanğan ide.