Yapon studentları törek aş-suların öyränä

Yaponiyädän azıq-tölek häm tuqlanu büleme studentları İstanbulda törek aş-sularınıñ serenä töşende. Alar Mukogava xatın-qızlar universitetı belän İstanbulnıñ Bahçäşähir universitetı arasında student almaşu programması qısalarında kilde. 16 uquqçı häm 2 möğallim törek aş-suları däresenä dä kerde, restorannarda ostazlardan päxläwä, laxmacun şikelle rizıqlarnı peşerergä dä öyrände.

Törkiyägä kilgän Yaponiyä törkeme başta Kapadokiya häm İstanbuldağı tarixi urınnarda da buldı. Şulay itep, törek mädäniyatı turında mäğ’lümat aldılar.

Yapon studentları Bahçäşähir universitetında däreslärdä qatnaşıp, törek aş-sularındağı fermentaśiya ısulı belän yoğırt, tozlı yäşelçälär, serkä şikelle ürnäklär aşa tanıştı. Temanı yaqınnan añlaw öçen restoran häm kafelarğa bardılar. Törek rizıqların äzerläw serlären osta aşçılardan kürep öyrändelär.

Paxlava peşerüçelär studentlarğa älege täm-tomnıñ qamırın äzerläwdän başlap miçtän çığarğanğa qadär barlıq êtapların kürsätte. Laxmacun belän käbabnı da näq’şulay qarap öyrändelär. Yapon studentlar yafraq sarma törü serlärenä dä töşende.