"Ğazzä öçen vöcdan oçraşuı"

İzrailneñ Fälästingä höcümnäre säbäple Ğazzädäge keşelek faciğasenä iğ’tibar cälep itü häm fälästinlelärgä teläktäşlek maqsatınnan Törkiyä başqalası Änkarada kiçä “Böyek Ğazzä yöreşe häm mitingı” oyıştırıldı. Anda başta Ğıyraqnıñ tön’yağında “Pänçä Kilit” xäräkäte töbägendä terrorçılar belän çıqqan bäreleştä hälaq bulğan ğaskärilärne iskä aldılar. Şulay uq, İzrailneñ Ğazzädäge höcümnärendä ülgän jurnalistlarnı da xäterdä yañarttılar.  

Programma Änkaradağı ictimağıy oyışmalar bergäläşep oyıştırğan platforma tarafınnan ütkärelde.  Yöreş “Atatörek isemendäge mädäniyät üzäge” metro tuqtalışınnan başlanıp Anadolu mäydanında tögällände.  Çaranıñ axırında “Ğazzä öçen vöcdan oçraşuı” beldergesen uqıdılar.