Ärdoğan Serbiya häm Misır ilbaşları belän söyläşte

Törkiyä ilbaşı Räcäp Tayyip Ärdoğan Serbiya däwlät başlığı Aleksandr Vuçiç häm Misır prezidentı Abdülfättax äs-Sisi belän ayırım ayırım telefonnan söyläşte.

İlbaşı idaräseneñ êlemtä bülegennän yasalğan belderügä kürä Vuçiç belän ütkärgän söyläşüdä Ärdoğan serb liderın saylawdağı ciñüe belän täbrik itte.

Söyläşüdä Törkiyä-Serbiya mönäsäbätläre, global’ häm regional’ mäs’älälär dä qaraldı.

Törkiyä ilbaşı yaña çorda da ike il arasındağı köçle mönäsäbätlärneñ häm xezmättäşlekneñ nığıp däwam itäçägen belderde.

Ärdoğan-Sisi söyläşüendä dä İzrailneñ Fälästin cirlärendäge höcümnäre häm Ğazzägä gumanitar yärdäm ireşterü tırışlıqları quzğatıldı.

Ärdoğan söyläşüdä İslam illäreneñ daimi utnı tuqtatunı urnaştıru öçen başlatılğan êşçänleklärne bergäläp däwam itterüeneñ ähämiyäten assızıqladı.

Söyläşüdä qabat Misır ilbaşı bulıp saylanğan Sisiğa uñışlar telägän Törkiyä prezidentı yaña çornıñ Törkiyä-Misır mönäsäbätläre öçen xäyerle buluın teläde.