Êçke êşlär ministrı terrorğa qarşı köräş operaŝiyäläre turında mäğ’lümat birde

 Törkiyä êçke êşlär ministrı Ali Yärlikaya matbuğat organnarınıň Änkara wäkilläre belän ütkärelgän cıyılışta 180 kön êçendä terrorğa qarşı köräş qısalarında ütkärelgän operaŝiyälär turında mäğ’lümat birde.

Ministr äytüençä, 1 nçe iyün’nän birle terrorçı oyışmalarğa qarşı operaŝiyälärdä 609 terrorçı täêsirsez xälgä kiterelde. Alarnıň 37se - güyä citäkçelär.  

Yärlikaya beldergänçä, “PKK/KCK” terrorçı oyışmasına qarata barlığı 13 meň 641 operaŝiya ütkärelde. Şularnıň 1 meň 973 e-şähärlärdä, 11 meň 668e –awıl cirlegendä.

“Separatist terror oyışmasına qarşı operasiyälärdä 53e üle, 363 e isän, 4 ese yaralanğan häm 82 se täslim bulu belän bergä 502 terrorçı täêsirsez xälgä kiterelde” ,- dide êçke êşlär ministrı.

Ul “Fätullahçı terror oyışması”na qarşı köräşneň qatğıy räweştä däwam itüen assızıqladı.

Ali Yärlikaya “DEAŞ” terrorçı oyşmasına qarşı köräş qısalarında ütkärelgän 728 operasŝiyädä 98 terrorçınıň täêsirsez xälgä kiterelüen, qulğa alınğan 1 meň 254 şikle keşedän 317seneň saq astına alınuın äytte.   

Törkiyä êçke êşlär ministrı sulçı terrorçı oyışmalarğa qarşı operaŝiyälärda 9 terrorçınıň, êçke qurqınıçsızlıq operaŝiyälärendä 23 e maxsus êzlängän, barlığı 37 güyä citäkçeneň täêsirsez xälga kiterelüen belderde.