Ärdoğan - Sançes söyläşüe

 Törkiyä ilbaşı Räcäp Tayyip Ärdoğan İspaniya prem’yer-ministrı Pedro Sançes belän telefonnan söyläşte.

İlbaşı idaräseneñ êlemtä bülege belderüenä qarağanda, söyläşüdä İzrailneñ fälästinlelärgä höcümnäre, Ğazzägä  gumanitar yärdämneñ özleksez barıp citüen täêmin itüçe çaralar, daimi utnı tuqtatu häm daimi tınıçlıq urnaştıru tırışlıqları turında süz bardı.

Ärdoğan söyläşü barışında İspaniya xökümäteneñ İzrailneñ fälästinlelärgä qarata qanunsız höcümnärenä qarşı totışı häm Fälästinneñ tanıluı turındağı belderüläreneñ zur ähämiyätkä iyä buluın belderde, Törkiyäneñ töbäktä daimi tınıçlıq urnaşturu öçen, garantlıqnı da kertep, barlıq cawaplılıqnı  alırğa äzer buluın äytte, regional’ tınıçlıq öçen İspaniya belän bergä êşlärgä äzer buluın belderde.