Ärdoğan - Räisi söyläşüe

Törkiyä ilbaşı Räcäp Tayyip Ärdoğan İran ilbaşı İbrahim Räisi belän telefonnan söyläşte.

Söyläşüdä İzrailneň 7 nçe oktyabr’dän birle däwam itkän qanunsız höcümnäre, Fälästin xalqı öçen gumanitar yärdäm çaraları häm daimi utnı tuqtatu öçen kiräkle adımnar turında süz bardı.

Ärdoğan İslam dön’yasınıň ,ayıruça Törkiyä belän İrannıň, Fälästin cirlärendä İzrail wäxşätenä urtaq totış kürsätüneň möhimlegenä basım yasadı.

Ul Törkiyä belän İrannıň Ğazzädä waqıtlıça utnı tuqtatuunı daimi qılu häm tınıçlıqqa ireşü öçen bergä êşläwne däwam itäçägen belderde.

Ärdoğan belän Räisi şulay uq Törkiyädä uzaçaq Törkiyä –İran yuğarı däräcädäge xezmättäşlek şurasına äzerlek turında da söyläştelär.