Ğazzäle yaman şeş belän awıruçılar Törkiyädä

Ğazzädän yaman şeş belän awıruçılar häm alarnı ozatıp yörüçelärne Törkiyägä alıp qayttılar.  

Ğazzädän Misırnıň Äl Ariş hawa mäydanına aşığıç yärdäm maşinaları belän kiterelgän awırularnı ilbaşı idaräse häm saqlanu ministrlığı oçqıçları belän başqaladağı Äsänboğa hawa mäydanına kiterdelär, alarnı sälamätlek saqlaw xezmätkärläre qarşı aldı.

Ğazzädän kilgän yaman şeş xastaların Bilkänt şähär xastaxanäsendä däwalayaçaqlar.

Törkiyä sälamätlek saqlaw ministrı Fäxrettin Koca xalıqara sälamätlek saqlaw diplomatiyäse häm bu ölkädäge êşçänleklär näticäsedä Ğazzädän 27 awıru häm 13 ozatıp yörüçene Törkiyägä alıp qaytu belän möhim adım yasawların, monı däwam itäçäklären äytte.

 “Xäzergä çaqlı Ğazzädän Misır aşa bütän ilgä däwalaw öçen awırular cibärmädelär. Bügen berence tapqır Räfax çik qapqasınnan uzıp turıdan - turı Törkiyägä kitereldelär”,-dide Fäxrettin Koca.