Törkiyä Livandağı watandaşların kisätte
Tışqı êşlär ministrlığı Livandağı Törkiyä grajdannarı öçen belderü yasadı
Törkiyä Livandağı Törkiyä grajdannarına saq bulırğa häm Litani yılğasınıñ kön’yağında urnaşqan urınnardan yıraq torırğa kiñäş itte.
Tışqı êşlär ministrlığı Livandağı Törkiyä watandaşları öçen “X” sośial’ media akkauntında belderü yasadı.
Belderüdä İzrail häm Fälästindäge waqıyğalarnıñ Livannıñ kön’yağında da çağılış tabuı qısasında “Livandağı grajdannarıbızğa saq bulırğa häm mömkin bulsa Litani yılğasınıñ kön’yağında urnaşqan töbäklärdän yıraq torırğa kiñäş itäbez. Waqıyğalarnı ministrlığıbız häm Bäyruttağı ilçelegebezneñ räsmi internet säxifälärennän häm sośial’ media akkauntlarınnan küzätep baruığız sorala“ diyelä.
Ministrlıq ğadättän tış xällär öçen Törkiyäneñ Bäyruttağı tulı wäqalätle ilçelegeneñ "+961 3 944 904" häm "+961 70 622 012" aşığıç telefon nomerların häm konsullıq şaltıratu üzägeneñ "+90 312 292 29 29" telefon nomerın da urtaqlaştı.
Bäyläneşle xäbärlär
Tağın 3 terrorçı täêsirsez xäldä
Törek qorallı köçläre Garada 3 terrorçınıñ urının aldan bilgeläp täêsirsez xälgä kiterde