Törki dönya notarius berlege tözelde

Başqala Änkaradağı imza tantanasında Törkiyä ğadälät (юстиция) ministrı Yılmaz Tunç häm “Ğadellek wä üseş” partiyası Ğomum başlığı wäkile Binali Yıldırım belän Qazaqstan Cömhüriyäte ğadälät (юстиция) ministrı Azamat Näsipbayıviç, Üzbäkstan Cömhüriyäte ğadälät (юстиция) ministrı Aqbar Taşkulov, Azärbaycan ğadälät (юстиция) ministrı Fikrät Mämmädov, Qırğızstan Cömhüriyäte ğadälät (юстиция) ministrı urınbasarı Orozbek Sıdıkov qatnaştı.

Ministr Tunç Törki dönya notarius berlegeneñ illärneñ watandaşları nisbätennän bik möhim uñaylıqlar täêmin itäçägen belderep:

"Törki dönya notarius berlege tözelgännän soñ berlekkä äğ’za törki däwlätlärneñ bersendä yasalğan notarius operaśiyäse buldırılaçaq integraśiya belän üz ilendä başqarılğan kebek xoquqi näticägä mömkinlek biräçäk. Bu räweşle törki däwlätlärneñ bersendä äzerlängän ışanıç yazuı ber ük waqıtta başqa äğ’za ildä dä ğamäldä bulaçaq. Çit il wäkilçeleklärennän ışanıç xatınıñ originalen cibärergä monnan arı kiräk bulmayaçaq”, - dip citkerde.

Törkiyä ğadälät ministrı: “Berlegebez başqaraçaq êşçänlek notarius hönäreneñ üseşe öçen dönyağa ürnäk bulaçaq. Kiläçäktä telägän başqa törki däwlätlärneñ dä şuşı xezmättäşlekkä quşılıp, bezgä köç östäyäçägenä ışanam”, - dip äytte.