Törkiyä - Azärbaycan - Gruziya xärbi künegüläre başlandı
Baqıda Komanda punktında komp’yuter qullanılğan künegülär “Eternity-2023” başlandı
Azärbaycan başqalası Baqıda Törkiyä, Azärbaycan häm Gruziya qatnaşında Komanda punktında komp’yuter qullanılğan künegülär “Eternity-2023” başlandı.
Azärbaycannıñ Saqlanu ministrlığınnan yasalğan belderügä kürä, Azärbaycan Milli saqlanu universitetınıñ Xärbi idarä institutına bäyle Xärbi künegülär üzägendä “Eternity-2023” xärbi künegüläre başlandı.
Belderüdän kürengänçä, teoriya häm praktikadan toruçı künegülärdä 3 ilneñ xärbi personalı häm bäyläneşle däwlät oyışmalarınnan wäkillär qatnaşında strategik ähämiyätkä iyä bulğan proyektlarnıñ saqlanuına qarağan wazifalar başqarılaçaq.
Ministrlık belderüendä 3 ilneñ qorallı köçläre arasındağı xezmättäşlek häm kileşüneñ nığıtıluı maqsatı belän oyıştırılğan xärbi künegülärneñ 6 oktäbr’ğa qadär däwam itäçäge äytelde.
