Ärdoğan - Äl Naxyan söyläşüe

 Berläşkän Ğaräp Ämirlekläre däwlät başlığı Möxämmäd bin Zayid Äl Naxyan Törkiyä ilbaşı Räcäp Tayyip Ärdoğanğa telefonnan şaltırattı.

İlneñ räsmi agentığı WAM xäbärenä qarağanda, Äl Naxyan Törkiyä başqalası Änkaradağı terror höcümennän soñ İlbaşı Ärdoğan belän telefon aşa êlemtägä kerde.

Äl Naxyan Törkiyä häm törek xalqına teläktäşlek belderde. Ul terrorçılıqnıñ barlıq törlärenä qarşı köräşü öçen urtaq xalıqara tırışlıqlar kiräklegen assızıqladı.

Berläşkän Ğaräp Ämirlekläre däwlät başlığı höcümdä cäräxätlängän qurqınıçsızlıq köçlärenä tiz arada sälamätlänülären häm törek xalqına törle yawızlıqlardan saqlanıp tınıçlıqta saw-sälamät yäşäwlären teläde.