Ärdoğan saqlanu sänäğate êksportındağı bıyılğı maqsatnı bilgeläde

İlbaşı Ärdoğan Törkiyäneñ İzmir qalasında Çiğli hawa mäydanında oyıştırılğan “TEKNOFEST” aviaśiya (авиация), ğaläm häm texnologiya festivalendä çığış yasadı.

"Bügen biredä barı tik milli texnologiya adımıbıznıñ barısı da ğorurlıq çığanağıbız bulğan êşlänmälären genä kürmibez”, - dip äytüçe Ärdoğan ber ük waqıtta üskän häm köçäygän, çiklärne uzıp kitkän, üz-üzenä ışanuçı Törkiyäneñ kütärelüenä dä şahit buluların belderde.

Ärdoğan, saqlanu sänäğäte ölkäsendä barısı da ber-bersennän kritik 850 törle proyıktnı centekläp tormışqa aşıruların añlatıp: "Dön’yadağı berençe SİHA (keşesez qorallı hawa apparatı) köymäse bulğan “TCG Anadolu” diñgezlärebezdä bayrağıbıznı ğorurlıq belän celferdätä", - dip äytte.

Törkiyäneñ saqlanu sänäğäte adımnarı belän bergä êksportınıñ da arta baruın belderüçe İlbaşı Ärdoğan: "Saqlanu êksportında bıyılğı maqsatıbız 6 milliard dollarnı arttıru. Bu ölkädäge êksportıbıznı 248 million dollardan uzğan yılda 4,5 milliard dollarğa citkergänebez kebek, inşallah, bu sannarnı da arttırırbız. Başqa ölkälärdä bulğanı kebek saqlanuda da tulı bäysez Törkiyä maqsatıbızğa ireşkängä qadär köne-töne êşläyäçäkbez”, - dip bilgeläp uzdı.