Törkiyä parlamentı başlığı Üzbäkstan qunaqların qabul itte

Saidovnı häm wäkillegen başqala Änkarada Törkiyä Böyık Millät Mäclesendä qabul itüdän şat buluın belderüçe Kurtulmuş, illär arasındağı xezmättäşlekneñ ähämiyäten xäterlätep:

"Bez biredä buldırğan xezmättäşlek häm köç nigezdä häm Aziya illäre cähätennän häm dä Awrupa illäre nisbätennän möhim mömkinlek täêmin itäçäk. Bergäläp iq’tisadta, säwdädä, säyäsättä, mädäniyättä, mäğariftä, här ölkädä urtaq proyıktlar oyıştırıp, urtaq maqsatqa taba barırğa tiyışbez. Qulıbızda bu qadär küp mömkinlek, bu xätle ber-berebezne yaqınaytqan mädäni nigez bulğanda alardan faydalanu bezneñ burıçıbız”, - dip äytte.

Törkiyä Böyık Millät Mäclese Başlığı Kurtulmuş:

"İke il arasındağı mönäsäbätlär soñğı waqıtta iskitkeç däräcägä citte. Bez Üzbäkstannıñ nığuın, küätlänüen Törkiyäneñ köçäyüe bularaq qabul itäbez. Üzbäkstandağı qardäşlärebezneñ dä Törkiyäneñ üsüen şuşı räweşle qabul itüen beläbez,” – dip belderde.

Üzbäkstan tışqı êşlär ministrı Bahtiyor Saidov isä, Törkiyä Böyık Millät Mäclese Başlığı Kurtulmuş belän oçraşudan şat buluın belderep, Törkiyäneñ Üzbäkstannıñ bäysezlegen tanığan berençe il buluın härwaqıt xäterläwlären häm monı berqayçan da onıtmayaçaqların iskärtep uzdı.