Ärdoğan: "Xäzer yaña sınawlar (сынaулaр) belän oçraşabız"

Törkiyä ilbaşı Räcäp Tayyip Ärdoğan ilneñ saqlanu sänäğatendä barı üz ixtiyaclarına cawap birep kenä qalmawın, dönyanıñ aldınğı texnologiya citeşterüçelärennän bersenä äwerelüen äytte. Ul kiçä kabinet cıyılışınnan soñ belderülär yasadı.

“Xäzer yaña sınawlar (сынaулaр) belän oçraşabız. Törkiyäneñ, üze tözegän köçle asqorma östendä kütärelüçe däwlät bularaq, här urında häm platformada global’ status-kvo belän qapma-qarşı kilüe tabiğıy xäl,” -di Ärdoğan häm bolay däwam itä: “Tik berlektäşebez bulsın, köndäşebez bulsın – barlıq däwlätlär qabul itkän fakt bar, berkem dä monı çitlätep uza almıy. Älege fakt şunı kürsätä, bu geografiyälärdä Törkiyädän başqa ber genä proyekt ta tormışqa aşırıla almıy, sınap qarasalar da, uñışlı çıqmıy. Bez monıñ isäpsez misalların, omtılışların, niyätlären kürdek, kiçerdek. Axır çiktä bu sınap qarawçılar kilep Törkiyäneñ xezmättäşlegen, Törkiyäneñ berlektäşlegen, Törkiyäneñ teläktäşlegen sorarğa mäcbür buldı”.