Ärdoğannıñ Naxçıvannan qaytqan çaqtağı bäyäläwläre

Ärdoğan Azärbaycannıñ Naxçıvan töbägenä yasağan säfärennän qaytqan çaqta oçqıçta yasağan belderüendä 3nçe noyabr’dä Qazaqstanda Törki däwlätlär oyışması cıyılışınıñ uzaçağın häm Tön’yaq Kipr Törek Cömhüriyäteneñ dä bu cıyılışta küzätüçe äğ’za bularaq qatnaşaçağın äytte.

Ärdoğan: "Tön’yaq Kipr Törek Cömhüriyäteneñ tanıluı Kipr utrawında daimi tınıçlıqnıñ häm xozurnıñ urnaşuın teläwçe böten illär öçen iñ döres variant. Yıllar buyı andağı törek barlığın kürmämeşkä salınırğa tırışuçılarnıñ sınap qaramağan yulları qalmadı. Fäqät totınğan här adımnarı nigezsez bulğanı öçen alar cähätennän ömet yuğaltuı belän tögällände”, - dide.

Ärdoğan: "Berkem dä bezdän Tön’yaq Kipr Törek Cömhüriyäteneñ xoquqların sanğa suqmawıbıznı, alarnı taptattıruın kötmäsen. Bez Tön’yaq Kipr Törek Cömhüriyäteneñ monnan arı başqa illär tarafınnan tanıluı öçen tawışıbıznı (тавышыбызны) tağın da köçleräk itep yañğırataçaqbız”, - dip äytte.

İzrail Baş ministrı Binyamin Netanyahunıñ oktyabr’-noyabr’ aylarında Törkiyägä säfär yasayaçağın da äytüçe Ärdoğan: "İñ uñaylı waqıtta bu säfärneñ buluı öçen söyläşülär alıp barıla. Annan soñ bez dä säfär belän baraçaqbız”, - dip belderde.

Törkiyä belän İzrailneñ şaqtıy ölkädä xezmättäşlek urnaştıruın bilgeläp uzuçı Däwlät başlığı: "Yaña xezmättäşlek ölkälärebezneñ buluı da fakt. Bigräk tä Rusiyä-Ukraina suğışınnan soñ barlıqqa kilgän kon’yunkturanıñ täêsire belän dä Awrupa däwam (дәвам) itelä alınğan ênergiya çığanağın êzli. İzrailneñ çığanaqların Awrupağa qudıru mäs’äläsendä êzlänüeneñ buluı da härkemgä mäğ’lüm. İñ raśional’ (рациональ) yünäleş isä Törkiyä aşa bu çığanaqlarnıñ Awrupağä citkerelüe. Monı soñğı söyläşüebez waqıtında da quzğattıq, êşçänlekne başlattıq”, - dip äytte.

İzrail belän ênergiya borawlaw (бораулау) êşçänlegendä xezmättäşlek forsatlarınıñ buluın belderüçe Ärdoğan: "Monıñ belän bäyle texnik êşçänlekneñ başqarıluı boyırığın bäyläneşle iptäşlärebezgä birdem. İñ qısqa waqıtta Törkiyädä bulmasın, İzraildä bulmasın, bez ütkäräçäk söyläşülärdä yünäleş, plan-kalendar häm borawlaw (бораулау) mäydannarı kebek neçkäleklärne dä töğäyınläşteräçäkbez”, - dide.

Şul uq waqıtta İlbaşı Ärdoğan Zängäzur häm Laçin koridorları belän bäyle bularaq: "Telägebez bu urınnarnı tınıçlıq koridorına äyländerep açu. Äle haman suğış östenlek itkän koridornı uylaw mömkin tügel”, - dip belderde.

Ärdoğan: “Monnan arı Xocalı häm Qarabax öçen dä Azärbaycan suverenlığında daimi tınıçlıq belän xozurnıñ waqıtı citte. Ärmänstannıñ burıçı xozurnıñ urnaştırıluı öçen tınıçlıqnı yaqlawı”, - dip iskärtep uzdı.

İlbaşı Ärdoğan Şveśiyanıñ (Швециянең) NATO äğ’zalege mäs’äläsendä isä: “Birgän süzlärenä tuğrılıqlı bulsalar bezneñ parlamentıbız da birelgän süzgä tuğrılıqlı bulaçaq. Adımın aña qarap yasayaçaq”, - dip äytte.