Törkiyä Kosovodağı höcümne ğayepläde (гaeпләдe)

Törkiyä Kosovonıñ küpçelek serblar yäşägän Ban’ska awılındağı höcümne ğayıpläde.

Törkiyäneñ tışqı êşlär ministrlığı süzçese, ilçe Tanju Bilgiç yazmaça belderü yasap, Kosovonıñ tön’yağındağı Ban’ska awılında barlıqqa kilgän häm kosovolı ber poliŝiya (полиция) xezmätkäreneñ yaqtı dönyadan kitüenä, ber poliŝiya (полиция) xezmätkäreneñ yaralanuına kitergän höcümne ğayıpläwlären citkerde.

Törkiyäneñ Priştinadağı ilçelegennän älege höcümne ğayıpläwçe belderüneñ yasaluın bilgeläp uzuçı Bilgiç yaralanuçılarğa şifalar teläwlären äytte.

Tanju Bilgiç töbäktä kiyırenkelekneñ üsüen buldırmaw (булдырмaу) öçen barlıq taraflarnı sabırlı bulu häm qırıslıqtan taypılunıñ mäcbüri buluın assızıqladı.

Kosovoda häm töbäktä daimi tınıçlıq häm totrıqlılıq urnaştırunıñ berdänber yulınıñ dialog buluına basım yasağan süzçe Törkiyäneñ dialog barışın xuplarğa däwam (дәвам) itäçägen citkerde.

Kosovonıñ tön’yağında urnaşqan häm küpçelek serblar yäşägän Ban’ska awılında yulnı yapqan serblarnıñ kiçä irtänge sägät’lärdä poliŝiyağa (полициягә) ut açuı näticäsendä ber poliŝiya (полиция) xezmätkäre ülgän, ber poliŝiya (полиция) xezmätkäre yaralanğan ide.

Kosovo prem’yer-ministrı (прeмьeр-министры) Albin Kurti ilneñ tön’yağında awır qorallı yaqınça 30 keşeneñ Kosovo poliŝiyasenä (полициясeнә) höcüm itärgä däwam (дәвам) itüen açıqlağan ide.