Awrupa Berlege: “Törkiyä belän mönäsäbätlärebez bik möhim”

Awrupa Berlege komissiyasınıñ Kürşelek häm kiñäyüdän cawaplı äğ’zase Oliver Varhelyi, Awrupa Berlegeneñ Törkiyä belän mönäsäbätlärgä bik zur ähämiyät birüenä basım yasap, Tamğaxanä berlege, ênergetika häm texnologiya, investiśyälär, azıq-tölek qurqınıçsızlığı kebek mäs’älälärdä ike yaqlı tırışu belän tiz alğa kiteşneñ bula alaçağın äytte.

Bel’giya başqalası Bryusseldä Awrupa parlamentı ğomum şurasında Awrupa Berlege komissiyası äzerlägän 2022 Törkiyä xisabı tikşerelde.

Utırışta çığış yasawçı Awrupa Berlege komissiyası äğ’zase Varhelyi: "Törkiyä belän mönäsäbätlärebez bezneñ öçen bik möhim. Törkiyä namzät il bulırğa, NATO berlektäşe, yaqın kürşe häm Yaqın Könçığış, Kön’yaq Qavqaz häm Qara diñgez töbäkläreneñ totrıqlılığı häm iminlege cähätennän töp urtaq bulırğa däwam itä”, - dip äytte.

Awrupa Berlegeneñ Törkiyä belän xezmättäşlekkä nigezlängän häm ike yaqlı fayda täêmin itkän mönäsäbätneñ üsterelüen teläwenä işarät itüçe Varhelyi "sanlı häm yäşel küçeş", iq’tisad, ênergetika, migraśiya häm qaçaqlarğa yärdäm belän bergä urtaq mänfäğätlär bulğan törle ölkälärdä mönäsäbätlärneñ üsterelüe öçen möhim potenśial buluına basım yasadı.

Varhelyi: "Mönäsäbätlärebezneñ kiläçäge mäs’äläsendä urtaq añlayışqa ixtıyacıbız bar. Uñışlı bulu öçen här ike tarafnıñ da tırışlıq kürsätür zarur. Tamğaxanä berlege, viza ciñellege, ênergetika häm texnologiya, kapital salular, azıq-tölek qurqınıçsızlığı – tiz alğa kitä alaçağıbız ölkälärdän qayberäwläre”, - dip äytte.

Varhelyi, Awrupa Berlegeneñ Törkiyäneñ qaçaqlarnı yıllar buyı qabul itüennän qanäğätlelegen citkerep, Berlekneñ bu mäs’älädä dä bulışlığın däwam itäçägen iskärtep uzdı.

Qara diñgez aşlıq kereşüenä dä tuqtalıp uzğan Varhelyi: "Törkiyäneñ Ukrainanı häm cir bötenlegen yaqlawı häm global’ azıq-tölek qurqınıçsızlığınıñ täêmin itelüendä möhim rol’ uynawçı Qara diñgez aşlıq iniśiativasın canlandıru tırışuların qanäğätlelek belän qarşılıybız”, - dip bäyäläw yasadı.