Ärdoğan belän Putinnıñ urtaq matbuğat oçraşuı

Ärdoğan ber könlek êşlekle säfär öçen kitkän Rusiyädä İlbaşı Vladimir Putin belän Soçidä oçraştı.

Söyläşüdän soñ ike lider urtaq matbuğat oçraşuın oyıştırdı.

Matbuğat konferenśiyäsendä (конференциясендә) yasağan çığışında İlbaşı Ärdoğan: "Kön tärtibenä kiterelgän al’ternativ täq’dimnär Qara diñgez kereşüe (инициативасы) kebek totrıqlı, imin häm taraflar arasındağı xezmättäşlekkä nigezlängän daimi model’ täq’dim itä almadı. (Qara diñgez aşlıq kereşüe) Kimçelekläre beterelep, iniśiativanıñ däwam (инициативаның дәвам) itterelüeneñ zarurlığına ışanabız”, - dip belderde.

İlbaşı Ärdoğan: "Bez töbägebezdä daimi tınıçlıq, totrıqlılıq häm mullıq urnaştırıluına yünältelgän êşçänlegebezne alıp baruda täwäkkäl”, - dip äytte.

İlbaşı Ärdoğan, çığışında Rusiyä-Ukraina suğışına da tuqtalıp uzıp: "Bez taraflar arasında turıdan-turı söyläşülärne moña qadär qabul ittek. Bu mäs’älädä bez härwaqıt bulğanı kebek üz burıçıbıznı ütärgä äzer", - dip äytte.

İlbaşı Ärdoğan bolay dip bilgeläp uzdı:

"(Aşlıq cibärelüe) BMO belän möhim alğarışlarğa iyä yaña täq’dimnär paketın äzerlädek. Bu yaña barış (процесс) aşa näticä alunıñ mömkin buluın uylıym. Ukrainanıñ Rusiyä belän urtaq adımnarnıñ yasala alınuı ölkäsendä totışın, älbättä, yomşatuı kiräk.

(BMO belän äzerlängän aşlıq cibärelüenä qağılışlı urtaq täq’dim paketı) Törkiyä bularaq kötelgännärne qanäğätländeräçäk çişeleşkä qısqa waqıtta ireşäçägebezgä ışanam. Putin: “Fäqıyr’ illärgä 1 million tonna aşlıqnı cibärü öçen logistik êşçänlek başqardıq”, - dide. Bez dä: “Törkiyä bularaq kiräkle burıçıbıznı ütärgä äzer”, - didek”.

Rusiyä İlbaşı Putin da matbuğat oçraşuında yasağan çığışında:

"Aşlıq koridorın canlandırırğa telibez, monı yasayaçaqbız. Ber şart belän başqaraçaqbız. Bezneñ aşlıq êşlänmälärebezneñ dä kirtälärsez diñgezgä çığuın telibez. Könbatış partnyorlarıbız bezne aldaladı. Berniçä kön êçendä süzlär ütälsez, bez bu aşlıq koridorınıñ däwam (дәвам) itüe öçen üz tırışularıbıznı sarıf itäçäkbez”, - dip äytte.

Putin: "Bez ike yaqlı säwdädä cirle aqça berämlegen qullanu mäs’äläsendä qatğıylığıbıznı rasladıq. Dollarnı häm yevronı (евроны) tağın da äzräk qullanu mäs’äläsendä bez urtaq fikerdä”, - dip iskärtep uzdı.

Rusiyä Däwlät başlığı Putin Törkiyädä tabiğıy gaz üzäge proyıktı belän bäyle bularaq: ““Gazprom” “BOTAŞ”qa yul kartasın tapşırdı, çiratta urtaq êş törkemeneñ tözelüe bar”, - dip äytte.

Putin: "Rusiyä tabiğıy gaz mäs’äläsendä härwaqıt Törkiyäneñ cawaplı häm iñ zur partnyorı bulaçaq. Öçençe illärgä dä tabiğıy gaznı cibärä alaçağıbıznı äytä alabız”, - dide.