Soğud Ğaräbstanı belän taw sänäğäte (сәнәгатe) kileşüe
Törkiyä ênergetika häm tabiğıy çığanaqlar ministrı Alparslan Bayraqtar Soğud Ğaräbstanı belän taw sänäğäte (сәнәгатe) ölkäsendä xezmättäşlek kileşüenä qul qyuların belderde
Ministr Bayraqtar TRT Törkiyä teleradiokompaniyäseneñ “TRT Xäbär” kanalında ênergetika kön tärtiben bäyäläde.
Törkiyäneñ ênergetika ölkäsendäge iniśiativalarınıñ däwam (дәвам) itüenä işarät itüçe Bayraqtar Soğud Ğaräbstanı sänäğät häm yatmalar ministrı Bandar bin İbrahim Alkhorayef belän bügen ministrlıqta oçraşuların häm ike yaqlı kapital salular belän bergä taw sänäğäte (сәнәгатe) ölkäsendä xezmättäşlekneñ yulın açaçaq kileşü memorandumına qul quyuların äytte.
Bayraqtar kileşüneñ êlektrlı maşinalar, qoyaş paneli kebek ölkälärdä yaña texnologiyälärdä ixtıyac toyılğan kritik yatmalar belän bäyle xezmättäşlekne üz êçenä aluın iskärtep uzdı.
Soğud Ğaräbstanınıñ bigräk tä yäşel vodorod, cil häm qoyaş panelläre belän qızıqsınuın citkerüçe Bayraqtar bu qısada 5 meñ megawatlıq küät köçe maqsatı buluına iğ’tibarnı yünältte.
Bayraqtar Qara diñgez gazı häm Gabardağı neft’ tabunıñ Törkiyäneñ ênergiyada çitkä bäylelegennän qotıluı öçen bik zur ähämiyätkä iyä buluın belderde.
Törkiyäneñ Gabar häm Sakar’ya gaz mäydanı zurlığında berniçä açışqa ixtıyacı buluına basım yasawçı Bayraqtar: "Sentyabr’ ayında Vanda borawlaw ütkäräçäkbez. Bu räweşle biredän kilä alaçaq söyıneçle xäbärlär belän, biredä barlıqqa kilä alaçaq qıymmätlär belän, citeşterülär belän şuşı çitkä bäylelegebezne azaytu yulında adım yasayaçaqbız”, - dip äytte.
