Törkiyä Vengriya (Macarstan) belän tabiğıy gaz êksportı kileşüenä quy quydı
Törkiyädän Macarstanğa (Vengriyağa) tabiğıy gaz êksportı mäs’äläsendä ike il arasında kileşügä ireşelde
BOTAŞ Ütkärgeçlär belän neft’ qudıru akśionerlıq cämğıyätennän yasalğan belderüdä Törkiyäneñ ênergetika ölkäsendä strategik maqsatları häm tabiğıy gazda üzäk il bulu vizionı qısalarında BOTAŞ belän Macarstannıñ (Vengriyanıñ) “MVM CEEnergy” däwlät şirkäte arasında tarixi tabiğıy gaz êksportı kileşüeneñ imzalanuı iğ’lan itelde.
Belderüdä kiçä Macarstanda (Vengriyada) uzdırılğan tantanada tarixi kileşügä Törkiyä ênergetika häm tabiğıy çığanaqlar ministrı Alparslan Bayraktar häm Macarstan (Vengriya) ênergetika ministrlığınıñ däwlät citäkçelegennän cawaplı kiñäşçese häm “MVM CEEnergy” idarä şurası başlığı Gabor Czepekneñ ximayälärendä BOTAŞ Ğomum mödire häm İdarä şurası başlığı Burhan Özcan belän “MVM CEEnergy” yuğarı däräcäle citäkçese Laszlo Fritschnıñ qul quyuı citkerelde.
Törkiyädän Vengriyağa (Macarstanğa) tabiğıy gaz cibärelüeneñ kiläse yılda başlanuınıñ küzdä totıluı äytelgän belderüdä kileşüneñ Törkiyäneñ LNG asqormasınıñ häm ike il tabiğıy gaz cıyıp saqlaw qorılmalarınıñ urtaq mänfäğätläre qısalarında qullanıluına qağılışlı xezmättäşlekne dä üz êçenä aluı citkerelde.
Bäyläneşle xäbärlär
Terrorçılıqqa qarşı köräş däwam itä
Süriyäneñ tön’yağında 3 “PKK/YPG”le terrorçı täêsirsez xälgä kiterelde
