Ärdoğan Malayziya Başministrı belän söyläşte

İlbaşı Ärdoğan söyläşü waqıtında Malayziya Baş ministrı (Премьер-Министры) İbrahimnıñ çaqıruına cawap itep berençe forsatta bu ilgä baraçağın äytte. 

Türkiyä (Төркия)-Malayziya mönäsäbätläreneñ kiñ qırlı strategik urtaqlıq nigezendä üseş aluın belderüçe Ärdoğan Tön’yaq Kipr Törek Cömhüriyäteneñ Malayziyada Säwdä ofisınıñ açıluınıñ raslanuın da qanäğätlelek belän qarşılawların citkerde.

Saqlanu sänäğäte ölkäsendäge mönäsäbätlärneñ monnan arı lokomotiv üzençälegenä iyä buluın iskärtep uzuçı Däwlät başlığı Ärdoğan bu ölkädä Malayziyanıñ ixtıyaclarınıñ qanäğätländerelüe turındağı kileşü memorandumınıñ tiz arada tormışqa aşırıluın teläwlären belderde.

Ärdoğan, (Daniyada häm Şveśiyada (Швециядә)) Qor’än-ı Kärimgä yasalğan höcümnärgä qarşı da köçle häm täwäkkäl, urtaq poziśiya (позиция) buldırıluınıñ zarurlığına basım yasap, İslam xezmättäşlek oyışması tışqı êşlär ministrlarınıñ çirattan tış cıyılışında qabul itelgän qararlarnıñ bu cähättän möhim buluın äytte.

“Fätullahçı” (FETÖ) terror oyışmasınıñ Malayziyada terror oyışmaları isemlegenä kertelüeneñ ähämiyätenä iğ’tibarnı yünältüçe İlbaşı Ärdoğan Malayziya Baş ministrı İbrahimnän Türkiyä (Төркия) bularaq bu mäs’älädä köçle räweştä yaqlaw kötülären bilgeläp uzdı.