Ärdoğan: “Totrıqlılıq häm ışanıç küçärendä yulıbızğa däwam itäbez”

İlbaşı Ärdoğan kiçä başqala Änkarada İlbaşı qolliyätendäge Kabinet cıyılışınnan soñ millätkä möräcäğät itte.

Ärdoğan Türkiyägä 21 yılda qazandırılğan mäğarif, sälamätlek saqlaw, iminlek, transport, ênergetika, toraq belän bergä böten ölkälärdäge asqormanıñ üseşneñ iñ möhim êtärgeçe buluın belderde.

Säwdädän sänäğätkä, awıl xucalığınnan alıp turizmğa qadär, êş belän täêmin itü belän citeşterüneñ lokomotivı bulğan här ölkädä xäräkätneñ buluına basım yasawçı Ärdoğan: “Êksportıbız häm turizmıbız, här ay diyärlek rekord quyıp, yulına däwam itä. İlebez arta baruçı räweştä xalıqara investorlarnıñ iğ’tibarın cälep itä. Bez ütkärgän här söyläşüdä ilebezgä milliardlağan, distälärçä milliard dollarlıq kapital salu süzen alabız”, - dip äytte.

Ärdoğan Türkiyäne soñğı 20 yılda yılına urtaça 5,5%qa üsterülären, milli keremne 238 milliard dollardan 1 trillion dollarğa citkerülären, satıp alu paritetına kürä milli kerem reytingında dönyada da 11nçe urınğa kütärülären belderde.

Êş belän täêmin itüne 19 millionnan 32 millionğa kütärülären, êksportnı 35 milliard dollardan 254 milliard dollarğa citkerülären, turist sanın 15 millionnan 52 millionğa, turizm keremen dä 12 milliard dollardan 46,5 milliard dollarğa kübäytülären iskärtep uzuçı Ärdoğan: "Här ölkädä moñarçı kürenmägän uñışlarnı tormışqa aşırıp, şuşı könnärgä kiterdek. Xalıq sanı artqan, anıñ belän bergä êşçe köçenä quşılu küläme kübäygän Türkiyädä êş belän täêmin itüneñ azayu urınına artuın bez näq’ menä şuşı küreneşkä burıçlı", - dide.

İlneñ häm millätneñ hiçber qazanışınnan iñ keçkenä artta qaluğa yul quymayaçaqlarına basım yasawçı İlbaşı Ärdoğan totrıqlılıq, ışanıç häm daimilek küçärendä yullarına däwam itäçäklären bilgeläp uzdı.