Rusiyä Türkiyägä yanğın sünderü oçqıçları cibärde

Rusiyä urman yanğınnarına qarşı köräşü öçen Türkiyägä (Төркиягә) 2 amfibiyä yanğın sünderü oçqıçı cibärde.

Rusiyä ğadättän tış xällär ministrlığınnan belderülärençä, däwlät başlığı Vladimir Putinnıñ kürsätmäse häm törek yağınıñ sorawı näticäsendä Rostov-na-Donu şähärendäge Platov aêroportınnan 2 oçqıç yulğa quzğaldı. Alar Muğla häm İzmirdäge yanğınnarda wazıyfa başqaraçaq.

“Rusiyä ğadättän tış xällär ministrlığınıñ aviaśiyä (авиация) törkeme awır şartlarda êşlärgä äzer. Be-200 model’ oçqıçlar yanğınnarnı küzätü häm açıqlaw öçen cir östeneñ küreneşen citkerüçe infra-qızıl cılılıq kameraları belän cihazlandırılğan,”-diyılä Rusiyä ğadättän tış xällär ministrlığı belderüendä.