15 nçe iyül’ - demokratiya häm milli berdämlek köne
Türkiyä xain tüntäreleş kereşüeneñ 7 yıllığında Watan häm bayraq öçen cannarın birgän şähitlären xörmät belän iskä ala
Bügen “Fätullahçı terror oyışması”nıñ (FETÖ) xain tüntäreleş kereşüe bulğanğa 7 yıl tuldı.
Türkiyä Cömhüriyäteneñ milli berdämlegenä häm bötenlegenä höcüm itü niyäte belän ilne qarañğılıqqa batırırğa telägän “FETÖ” äğ’zaları 2016 nçı yılnıñ 15 nçe iyülendä tüntäreleş yasarğa tırıştılar.
Türkiyä demokratiyäsenä qarşı yasalğan bu xain kereşü Türkiyä xalqınıñ demokratiyäne häm saylanğan iradäne yaqlaw öçen kürsätkän qarşılığı belän çigenderelde.
İlneñ küp oyışmalarına, ayıruça xärbi häm qurqınıçsızlıq köçlärenä ütep kergän häm çın maqsatların 2016 nçı yılnıñ 15 nçe iyülendä kürsätkän “Fätullahçı terror oyışması”nıñ qanlı tüntäreleş kereşüe ilbaşı Räcäp Tayyip Ärdoğannıñ çaqıruı belän Türkiyäneñ törle poçmaqlarında demokratiyäne yaqlaw öçen uramnarğa çıqqan watandaşlarnıñ yärdäme belän tuqtatıldı.
Türkiyä milläteneñ qıyulığı häm qatğıylığı belän ireşelgän bu ciñü dön’yada kürelmägän demokratiya añlayışınıñ ürnäge ide.
Tarix bitlärenä danlı qarşılıq kürsätü bularaq kerep qalğan bu köräştä Türkiyäneñ törle poçmaqlarında 253 watanpärwär şähit buldı.
Türkiyä 15 iyül’ ciñüeneñ 7 yıllığında Watan häm bayraq öçen cannarın birgän şähitlären xörmät belän iskä ala.
15 nçe iyül’ - demokratiya häm milli berdämlek köne yıl sayın törle çaralar belän iskä alına.
