BMO İminlek Şurasınıñ Kipr belderüenä Türkiyä reakśiyası
Türkiyä BMO İminlek Şurasınıñ Kipr mäs’äläsendäge matbuğat belderüenä reakśiya kürsätte
Tışqı êşlär ministrlığınnan yasalğan yazmaça belderüdä Tön’yaq Kipr Törek Cömhüriyäte Tışqı êşlär ministrlığınıñ bu mäs’älädäge belderüeneñ “tulısınça xuplanuı” citkerelde.
BMO İminlek Şurasınıñ cirlektäge çınbarlıqlardan çitläşkän häm uñışsız çişeleş modelendäge üzsüzlelegen däwam itterüenä basım yasalğan belderüdä: "Federal’ çişeleş maqsatınıñ monnan arı Kipr törek xalqınıñ suveren ixtıyarın çağıldırmawı çınbarlığın böten yaqlarnıñ da qabul itüe kiräk”, - dip äytelde.
Belderüdä BMO İminlek Şurasınıñ Berläşkän Millätlär Oyışması Ğomun särqatibeneñ xisapların nigez itep aludan çitläşä baruçı şuşı totışınıñ Kiprda çişleşeşne täşviq itü urınına Kipr grek tarafınıñ utrawnıñ borınğı häm töp urtaq xucası Kipr töreklären iğ’tibarsız qaldıruçı totışına êtärgeç birüe iskärtelep uzılıp: "İminlek Şurasınıñ Kipr törekläreneñ êlek östendä torılğan çişeleş modelennän yaqlawın çigüen añlawın kötäbez”, - dip äytelde.
Belderüdä bolay dip iskärtelep uzıldı:
"Kiprda ireşeläçäk ğadel, daimi häm totrıqlı çişeleşneñ Utrawdağı ike xalıqnıñ ixtıyarın çağıldıruı zarurlığına, öçençe taraflarnıñ monı köçläp birä almayaçağına tağın ber qat basım yasıybız. BMO İminlek Şurasın häm xalıqara cämäğätçelekne Kipr utrawında ike ayırım xalıqnıñ häm ike ayırım däwlätneñ buluı çınbarlığın nigez itep alıp, Kipr törek xalqınıñ tartıp alğısız xoquqları bulğan suveren tigezlegen häm tigez xalıqara statusın raslarğa çaqırabız, monıñ Kipr mäs’äläseneñ çişeleşenä yünältelgän teläsä qaysı ber yaña söyläşülär barışınıñ başlanğıçı öçen alıştırğısız alşart buluın belderäbez”.
