Kurtulmuş berençe säfären Tön’yaq Kiprğa häm Azärbaycanğa yasıy

Türkiyä Böyık Millät Mäclese räislegennän yasalğan belderügä kürä, Kurtulmuş häm yanındağı parlament wäkillege 11nçe iyül’ sişämbe könne Tön’yaq Kipr Törek Cömhüriyäte başqalası Lefkoşağa, 12nçe iyül’ çärşämbe könne isä Azärbaycan başqalası Baqığa barıp, qara-qarşı häm wäkilleklärara söyläşülär ütkäräçäk.

Säfärneñ berençe tuqtalışı Lefkoşada Kipr törekläreneñ liderı doktor Fazıl Küçük häm Tön’yaq Kipr Törek Cömhüriyäteneñ qoruçı Däwlät başlığı Rauf Dänktaşnıñ qaberlärenä baraçaq Türkiyä parlamentı başlığı Kurtulmuş Tön’yaq Kipr Törek Cömhüriyäte İlbaşı Ärsin Tatar tarafınnan qabul iteläçäk.

Kurtulmuş häm üzen ozatıp yörüçe delegaśiya Tön’yaq Kipr Törek Cömhüriyäteneñ Cömhüriyät Mäclese Başlığı Zorlu Törä, Tön’yaq Kipr Törek Cömhüriyäte Baş ministrı Ünal Üstäl belän dä ayırım-ayırım söyläşülär ütkäräçäk. Tön’yaq Kipr Törek Cömhüriyätendä Buğaz şähitlär ziratına barıp çäçäk bäylämnären salaçaq Kurtulmuş Türkiyäneñ Lefkoşa ilçelegendä dä bulaçaq.

Kurtulmuş häm parlament wäkillege kiçke säğätlärdä isä Lefkoşadan Azärbaycan başqalası Baqığa kitäçäk.

İñ êlek Azärbaycan İlbaşı İlham Äliyıv tarafınnan qabul iteläçäk wäkillek Azärbaycan Milli Mäclesendä Parlament başlığı Sahiba Gafarova belän üzara häm wäkilleklärara söyläşülär ütkäräçäk, Azärbaycan Baş ministrı Ali Äsädov belän küreşäçäk, TÜRKPA Ğomumi sekretariat binasına baraçaq.

Kurtulmuş oçraşuları qısalarında Fäxri alleyağa barıp, Heydär Äliyıvneñ häykäl qaberenä çäçäk bäylämnären salaçaq, Şähitlär alleyası belän Törek şähitläre ziratın ziyarät qılaçaq.