Ärdoğan "Törek Qızılayı"na videoyullama cibärde
Ul oyışmanıñ 1868nçe yıldan birle region häm dönyadağı barlıq keşelärneñ yärdäm çaqıruına aşığuın belderde
Türkiyä ilbaşı Räcäp Tayyip Ärdoğan "Törek Qızılayı" cämğıyäte ğadättän tış ğomum üzäk şurasına videoyullama cibärde. Ul, oyışmanıñ 1868nçe yıldan birle region häm dönyadağı barlıq keşelärneñ yärdäm çaqıruına aşığuın assızıqlap, anda êşläwçelärgä räxmät äytte. İlbaşı "Qızılay"nıñ 155 yıllıq êşçänlege çorında härwaqıt Türkiyäneñ ğorurlıq çığanağı buluın belderde.
“"Qızılayı"bıznıñ simvolı bulğan qızıl ay nindi dä bulsa säbäp belän awırlıqqa tarığan barlıq moxtaclar häm cäberlänüçelärgä ömet birä, yöräklärenä ciñellek kiterä. Oyışmabız uñışlı êşçänlekläre belän ber yarım ğasırdan artıq cıyılğan töple täcribäse, citkerelgän xezmätkärläre belän bik ähämiyätle buşlıqnı tutıra,” - dip söyläde Ärdoğan.
İlbaşı, 6nçı fevral’dä Qaxramanmaraşta bulğan cir teträwlärdä "Qızılay"nıñ täwge mizgeldän başlap afät töbägendä urın aluın äytep, cämğıyät’neñ däwlät belän millät berläşmäseneñ gäwdäläneşe buluın söyläde.
