Зeлeнский Төркиягә рәxмәтлe / Zelenskiy Türkiyägä räxmätle
İlbaşı Volodimir Zelenskiy Ukrainanıñ cir bötenlegenä häm suverenlığına qaqşamas yaqlawı (яклавы) öçen Türkiyägä räxmätle buluın belderde
Türkiyä ilbaşı Räcäp Tayyip Ärdoğannıñ çaqıruı belän kiçä İstanbulğa kilgän Ukraina däwlät başlığı Volodimir Zelenskiy üzara söyläşüdän soñ oyıştırılğan matbuğat oçraşuında çığış yasadı.
Zelenskiy, Türkiyä ilbaşı Ärdoğannı may ayında qabat wazifağa saylanuı belän täbrik itep: “İlebez häm xalıqlarıbız öçen tınıçlıq teläwçe härkemgä räxmät äytergä kildem,” – dide.
Qara diñgezneñ iminlek häm xezmättäşlek urını buluı zarurlığın iskärtep uzuçı Volodimir Zelenskiy: “Türkiyägä Ukrainanıñ cir bötenlege häm möstäqıyl’legenä bulğan üzgärmäwçe yaqlawı öçen räxmätle min”, - dip äytte.
Ukraina liderı Türkiyäneñ Ukrainanıñ tınıçlıq planın xuplawı (xуплавы) öçen dä räxmät belderüen häm bu tınıçlıq planın tormışqa aşıru öçen tırışlıq quyuların citkerde.
Zelenskiy, söyläşüdä Litva başqalası Vil’nyusta oyıştırılaçaq NATO oçraşuın da quzğatuların äytep, Ärdoğannıñ Ukrainanıñ NATOğa quşılırğa layıq buluın belderüeneñ üzen şatlandıruın citkerde.
