İlbaşı Ryutte belän telefonnan söyläşte

Türkiyä ilbaşı Räcäp Tayyip Ärdoğan Niderland prem’yer - ministrı Mark Ryutte belän telefon aşa söyläşte.

Söyläşü waqıtında ike yaqlı mönäsäbätlär, Şveśiyäneñ NATOğa kerü barışı, Awrupada Qor’än Kärimgä qarşı provokaśion çaralar, regional’ häm global’ mäs’älälär turında süz bardı.

İlbaşı Ärdoğan kiläse yılda Türkiyä - Niderland duslığı kileşüeneñ 100 yıllığı bilgeläp üteläçägen iskä töşerep, ike yaqlı mönäsäbätlärneñ yuğarı däräcäle säfärlär belän tağın da üsäçägenä ışanuın äytte.

Telefon aşa êlemtädä Şveśiyäneñ NATOğa kerü prośessı da söyläşelde.

Ärdoğan Şveśiyäneñ terrorçılıqqa qarşı köräş zakonnarına üzgäreşlär kertep döres yünäleştä adımnar yasawın, läkin “PKK/PYD/YPG” terrorçı oyışması tarafdarlarınıñ irekle räweştä terrorçılıqnı maqtawçı çaralar oyıştırunı däwam itüläre belän bu adımnarnıñ buşqa kitüen äytte.

Türkiyä ilbaşı Niderland prem’yer - ministrına Şveśiyädä izge kitabıbız Qor’ängä qarşı höcümnärne süz irege iseme astında legal’läşterü belän kileşep bulmawın citkerde. 

Liderlar söyläşü barışında 11-12 nçe iyül’ könnärendä Litva başqalası Vil’nyusta uzaçaq NATO sammitınıñ iñ möhim kön tärtibendäge mäs’älälärennän berseneñ Rusiya - Ukraina suğışı bulaçağı turında kileştelär.