“Terrorçılıqqa qarşı köräş qatğıy räweştä däwam itä”
Bu xaqta Türkiyä milli saqlanu ministrı Yaşar Gülär belderde
2002655
Türkiyä milli saqlanu ministrı Yaşar Gülär terrorçılıqqa qarşı köräşneñ qatğıy räweştä däwam itäçägen äytte.
Ministr Gülär “Ğadellek häm üseş” partiyäseneñ törkem cıyılışı aldınnan jurnalistlarnıñ sorawlarına cawap birde.
Jurnalist terrorçılıqqa qarşı köräştäge soñğı torış turında sorağaç, ministr Yaşar Gülär “Terrorçılıqqa qarşı köräş qatğıy räweştä däwam itä” dip cawap birde.
Kiçä Türkiyä ilbaşı Räcäp Tayyip Ärdoğannıñ Ğıyraq körd regional’ citäkçelege prem’yer-ministrı Mäsrur Barzaninı qabul itüeneñ terrorçılıqqa qarşı köräşkä täêsire turındağı sorawğa milli saqlanu ministrı yaşar Gülär bolay dip cawap qaytardı: “Bu älbättä bulaçaq. Bez xezmättäşlegebezne yaxşırtaçaqbız, axır çiktä monıñ uñay näticäläre bulaçaq”.
