Ärdoğan: “Êksportıbıznı yıl axırına qadär 265 milliard dollarğa citkerergä telibez”
İlbaşı Räcäp Tayyip Ärdoğan Türkiyäneñ êksportın bıyıl yıl azağında 265 milliard dollarğa citkerergä teläwlären äytte
Ärdoğan İstanbulda Türkiyä êksportçıları assambleyasınıñ 30nçı çirattağı ğomum şurası häm êksportnıñ çempionnarın büläkläw tantanasında çığış yasadı.
"Tiskäre global’ iq’tisadi küreneşkä qaramastan êksportıbıznı bıyıl yıl axırında 265 milliard dollarğa, kiläse yılda isä 285 milliard dollarğa citkerergä telibez,” – dip äytüçe Däwlät başlığı: "(Êksport maqsatı) 2028nçe yıl öçen dä maqsatıbız 400 milliard dollarğa häm kübrägenä ireşü,” – dip belderde.
Ärdoğan bolay dip äytte:
"Türkiyäneñ soñğı 21 yılda tışqı säyäsättä yasağan adımnarı êksportıbızda da tapqırlawçı êffekt yasadı. Afrikada ilçelek sanıbız 12dän 44kä artqan bulsa, säwdä külämebez dä 4,3 milliard dollardan 40 milliard dollarğa citte.
Latin Amerikadağı ilçelek sanıbız 6dan 18gä citkän bulsa, säwdä küläme 800 million dollardan 17,4 milliard dollarğa kübäyde. Bez yañadan Aziya iniśiativabıznı iğ’lan itkän 2019nçı yıldan birle qıytğa belän säwdäbez 40%qa arttı."
