Ärdoğan belän Zelenskiy telefonnan söyläşte

Türkiyä ilbaşı Räcäp Tayyip Ärdoğan Ukrainanıñ Xerson töbägendä ruslarnıñ kontrolendäge Kaxovka böyäsendäge şartlaw belän bäyle oyıştırılırğa mömkin xalıqara komissiyä nisbätennän Türkiyäneñ qulınnan kilgänne êşlärgä äzer buluın belderde. Ul Ukraina däwlät başlığı Volodimir Zelenskiy belän telefonnan söyläşte.

Ukrainanıñ Xerson töbägendä kiçä Kaxovka böyäse bombalandı, gidroêlektrostanśiyä zıyan kürü säbäple Dnepr yılğasınıñ su däräcäse zur tizlek belän kütärelde. Regiondağı Yaña Kaxovka şähäreneñ üzäge su astında qaldı.

Rusiyä wäqalätleläre su basu yanawı astındağı qayber cirleklärdä yäşäwçelärne êvakuaśiyäläw qararı çığardı.

Rusiyä häm Ukraina waqıyğa öçen ber-bersen ğayepläde.