İminlek saqçısı terrorçı höcüme näticäsendä şähit buldı

Türkiyäneñ Şırnak töbäge Cizrä rayonında qorallı höcümgä duçar bulğan iminlek saqçısı Mostafa Ärdäm şähit buldı. Töbäk gubernatorlığı sośial’ media akkauntı aşa yasağan belderüdä waqıyğanıñ terrorçı höcüme buluın citkerde. Anda mondıy yullar bar.

“Cizrä rayonı Sur mäxälläsendä iminlek saqçısı Mostafa Ärdäm şäxsi maşinasında qorallı höcüm näticäsendä hälaq buldı. Waqıyğanı tikşerü näticäsendä anıñ terrorçı höcüme buluı açıqlandı, başqaruçılardan berse êläkterelde, başqa şöbhälelärne êzläw däwam itä”.