Ärdoğan yaña kabinetı belän Anıtqabergä bardı
Ul Atatörekneñ qaberenä çäçäklär saldı häm istälek däftärenä yazdı
Türkiyä ilbaşı Räcäp Tayyip Ärdoğan yaña ministrlar kabinetı äğ’zaları belän cömhüriyätkä nigez salğan Atatörekneñ qabere bulğan anıtqaberne zıyärät itte.
Ärdoğan arıslanlı yuldan yörep Atatörekneñ mavzoleyına kütärelde, biredä törek bayrağın simvollaştıruçı ay-yoldızlı täqıyä quydı. Şunnan soñ ber minutlıq tınlıq iğ’lan itelde häm İstiklyal marşı yañğıradı.
Soñınnan Ärdoğan Anıtqaber maxsus däftärenä bolay dip yazdı:
“Ğaziz Atatörek,
İlbaşı xökümät sistemasınıñ 2nçe çor yaña kabinet äğ’zaları belän sineñ xozurıña kildek. Bügen kabinetnıñ täwge cıyılışın ütkärep Türkiyä ğasırın tözü maqsatı belän tizlänep yulğa çığabız. Türkiyä ilbaşı bularaq kabinetıbız belän bergä böten Türkiyägä, 85 millionnıñ barısına söyep xezmät itäçäkbez. Sez bezgä ämanät itep qaldırğan cömhüriyätebezneñ 100nçe yılına ireşüneñ dulqınlandırğıç häm layıqlı ğorurlığın kiçerüçe bu yılnı, inşallah, kütäreleş çorıbıznıñ başlanu noqtası itäçäkbez. Rabbıbız bezne millätebez qarşında sınatmasın, ruxıñ tınıç bulsın”.
