Türkiyädä irtägä saylawlar uzaçaq

Türkiyädä irtägä saylawlar uzaçaq.

İl xalqı 14 nçe mayda 5 yıl däwamında wazıyfa başqaraçaq  ilbaşın häm 28 nçe çaqırılış xalıq ışanıçlıların saylayaçaq.

Tawış birü il külämendä Türkiyä waqıtı belän 8.00 säğat’tä başlanıp 17.00 säğat’tä tögällänäçäk.

Bügen 18 säğat’tä başlanaçaq propaganda tıyuı 24 säğat’ däwam itäçäk.

İrtägä saylaw ärcäläre yabılğançı propagandanı üz êçenä aluçı  xäbär häm tapşırular bulmayaçaq.

Saylawlarğa berniçä kön qala ilbaşı namzäte Muharräm İncä üz kandidaturasınnan baş tarttı. Muharräm İncäneñ ilbaşı namzätlegennän kitüennän soñ saylawda 3 kandidat - Räcäp Tayyip Ärdoğan, Kämal Kılıçdaroğlu häm Sinan Oğan köç sınaşaçaq.

 Parlament saylawında isä 24 säyäsi partiya belän 151 bäysez xalıq ışanıçlısı namzäte qatnaşaçaq.