Çavuşoğlu: “Dürt yaqlı komitet iñ qısqa waqıtta cıyılaçaq”
Tışqı êşlär ministrı Mäwlüt Çavuşoğlu Türkiyä-Süriyä mönäsäbätläreneñ üsterelüe belän bäyle dürt yaqlı komitetnıñ iñ qısqa waqıtta cıyılaçağınıñ küzdä totıluın belderde
Ministr Çavuşoğlu Rusiyä başqalası Mäskäwdä kiçä ütkärelgän Türkiyä, İran, Rusiyä häm Süriyä tışqı êşlär ministrları cıyılışınnan soñ Antaliyada belderü yasadı.
Çavuşoğlu cıyılış belän bäyle bularaq:
"Bügenge cıyılışta ayıruça konkret êlement bularaq yul kartasınıñ äzerlänüe häm barışnıñ êtaplı räweştä alğa baruı öçen tışqı êşlär ministrı urınbasarları häm bäyläneşle oyışmalarnıñ qatnaşuında, biredä Milli saqlanu ministrlığı belän Küzläw oyışmasın küzdä totabız, komitet tözergä buldıq. Bu komitetnıñ da iñ qısqa waqıtta cıyıluı küzdä totıla,” – dide.
Tışqı êşlär ministrlarınıñ dürt yaqlı cıyılışınıñ konstruktiv häm näticäle uzuın belderüçe Çavuşoğlu barışnıñ tarafları bularaq Süriyäneñ cir bötenlegen häm suverenlığın yaqlawların tağın ber qat raslawların äytte.
Çavuşoğlu, “PKK”, “YPG” häm “DEAŞ” terror oyışmalarına qarşı köräştä tulı konsensus buluına iğ’tibarnı yünältep, cıyılışta 2254 nomerlı Berläşkän Millätlär Oyışması İminlek Şurası qararı nigezendä säyäsi barışnıñ alğa alıp barıluına basım yasawların citkerde.
Humanitar mäs’älälärdä xezmättäşlekneñ möhimlegen iskärtep uzuçı Çavuşoğlu barı tik bu 4 il arasında ğına tügel, xalıqara cämäğätçelek belän dä BMO belän ber rättän xezmättäşlekneñ ähämiyätenä basım yasawların belderde.
Çavuşoğlu, sıyınuçılarnıñ qurqınıçsız häm däräcäle räweştä kire qaytuları öçen kiräkle asqormanı bergä äzerläw mäs’älälären dä quzğatuların citkerep, Türkiyä bularaq bu barışnıñ alşartsız häm yaxşı niyät belän alıp barıluın xuplawlarına iğ’tibarnı yünältte.
Azärbaycan, Ärmänstan häm Türkiyä arasındağı soñğı täräqqıyätlärgä dä tuqtalıp uzuların belderüçe Çavuşoğlu İstanbul aşlıq kileşüeneñ dä söyläşülärdä quzğatılğan mäs’älälärneñ berse buluın äytte.
Çavuşoğlu, telgä alınğan şuşı cıyılıştan uñay näticä alunı ömet itüenä basım yasap: "İlbaşıbız Räcäp Tayyip Ärdoğannıñ Rusiyä Däwlät başlığı Vladimir Putin belän dä söyläşep, nigezdä 2 aylıq ozaytu bulğan ide, kim digändä tağın 2 ayğa ozaytu mäs’äläsendä näticä ala alaçağıbıznıñ uylıym,” – dip äytte.
