Ärdoğan belän äl-Burxan söyläşte

Türkiyä ilbaşı Räcäp Tayyip Ärdoğan Sudan suverenlıq şurası citäkçese, general Abdülfättax Abdurraxman äl-Burxan belän telefonnan söyläşte.

İlbaşı apparatınıñ êlemtä idaräsennän belderülärençä, Ärdoğan söyläşüdä Sudandağı qardäşlär arasındağı suğışta ülüçelär häm yaralanıçılarnıñ artuı öçen qayğıruın häm borçıluın äytte. Ul, yaqlar külämle söyläşülärne başlaw qararı birgän oçraqta, älege oçraşularnı uzdıru öçen urın täq’dim itäçäklären citkerde. Ärdoğan Sudan xalqınıñ aşığıç gumanitar yärdäm ixtiyacların qanäğat’länderü nisbätennän Berläşkän Millätlär oyışması belän êlemtädä torıp tırışlıqların däwam itäçäklären dä belderde.   

Söyläşüdä Sudandağı törek watandaşlarınıñ êvakuaśiyäse häm iminlege turında da süz buldı.

İldä armiyä belän qorallı törkem “Operativ yärdäm köçläre” arasında yaqınça 1 ay däwam itüçe bäreleşlärdä yözlägän keşe hälaq buldı.