Ärdoğan belän Guterriş söyläşte

Türkiyä ilbaşı Räcäp Tayyip Ärdoğan Berläşkän Millätlär oyışması ğomum särqatibe Antonio Guterriş belän telefonnan söyläşte.

İlbaşı apparatınıñ êlemtä idaräsennän belderülärençä, anda Rusiyä-Ukraina suğışı belän Süriyä häm Sudandağı waqıyğalar qaraldı.

İlbaşı Ärdoğan söyläşüdä BMOnıñ Süriyägä qarata çik ar’yağı yärdäm mexanizmınıñ iyül’ ayında ozaytıluınıñ zur ähämiyätkä iyä buluın äytte. Ul, şulay uq, Qara diñgez aşlıq iniśiativasınıñ däwam itüe möhimlegen dä belderde.

 Ärdoğan ammiak ütkärgeçe mäs’äläsendä kileşügä barılsa, oyıştırılaçaq êş törkemenä oyışmalararası delegaśiyä belän qatnaşırğa äzer buluların söyläde.

Äñgämädä tuqtalğan tağın ber mäs’älä – Sudandağı totrıqsızlıq. Ärdoğan bäreleşüçe ike yaq belän dä dialog tözi aluçı däwlät bularaq qabat solıx urnaştıru söyläşülärenä çaqıru häm aralarındağı añlaşılmawçanlıqnı çişü öçen BMO belän xezmättäşlek itärgä härwaqıt äzer buluların assızıqladı.