"Altay" tankları tapşırıldı

Türkiyäneñ Sakariya cirlegendä yaña “Altay” tankın tapşıru tantanası uzdı. Anda ilbaşı Räcäp Tayyip Ärdoğan da qatnaştı. Üz çığışında ul maqsatnıñ tulısınça bäysez saqlanu sänäğatenä ireşü buluın äytep saqlanu proyektlarınıñ tulayım byudjetınıñ 75 milliard dollarğa citüe xaqında mäğ’lümat birde.  

Ärdoğan iminlek köçläre qullana torğan qorı cir texnikasına sorawnı cirle häm milli mömkinleklär belän qanäğat’länderü öçen ozaq yıllar tığız êşçänlek alıp barıluın xäterlätte. Ul taktik tägärmäçle köbälelärdän başlap minalarğa qarşı toruçannarğa qadär bik küp texnikanı citeşterüne uñışlı tormışqa aşıruların assızıqladı.

“Yaña “Fırtına” (Dawıl) gaubiśalarınnan başlap törle kalibrdağı qoral häm höcüm texnikasın da armiyäneñ qullanuına täq’dim ittek. Monnan tış, inventar’dağı tank häm köbäle suğış texnikasın iñ axırğı texnologiyälär belän modernizaśiyälädek häm älege êşne däwam itäbez,”-dip söyläde Ärdoğan.  Ul Türkiyäneñ saqlanu sänäğate êşlänmälären şaqtıy ilneñ armiyäse qullana torğan täêminatçı däwlätkä äwerelüen belderde. “Yaña “Altay” tankıbıznıñ da bu kiñleklärdä Qorallı köçlärebez öçen bik ähämiyätle quät arttıruçı bularaq wazıyfa başqaraçağına ışanam,”-dide ilbaşı.