Çavuşoğlu: “Sudanda ike taraf ta bezneñ qardäşebez”

Mäwlüt Çavuşoğlu Antaliyanıñ Manavgat rayonında yasağan çığışında Sudandağı armiya belän Operativ yärdäm köçläre arasındağı bäreleşlär belän bäyle bularaq: "İke taraf ta bezneñ qardäşebez. Nigä bez monda ber yaqnı yaqlarğa tiyış?" – dide.

Çavuşoğlu här ike taraf belän dä bäreleşlärne tuqtatu öçen söyläşülären, bügen utnı tuqtatu ixtimalınıñ buluın belderde.

Töbäktäge watandaşlar belän dä êlemtädä buluların belderüçe Çavuşoğlu watandaşlarnıñ bulğan urında utnı tuqtatu iğ’lan itelgänçegä çaqlı qaluların, aşaw-êçü ixtıyacları bulğan oçraqta ilçelekkä belderülären soradı.

Çavuşoğlu hawa kiñlege açılğannan soñ qaytırğa teläwçe watandaşlarnı alıp kitäçäklären iskärtep uzdı.

Awrupa illäre belän bergä şaqtıy ilneñ watandaşlarınıñ Sudannan êvakuaśiyası öçen üzlärennän yärdäm sorawın citkerüçe Çavuşoğlu, çönki Türkiyäneñ ışanıçlı il buluın añlattı.

Dön’yada köç yarışlarınıñ buluın belderüçe Çavuşoğlu Awrupa Berlegeneñ vizionın yuğaltuına, Berläşkän Millätlär Oyışmasınıñ citärsez buluına basım yasap, mondıy çorda Türkiyä kebek möhim illärgä ixtıyac buluın assızıqladı.