AQŞtağı Törek yortında iftar aşı uzdı

AQŞnıñ N’yu-York şähärendäge Törek yortında oyıştırılğan iftar aşında törle din keşeläre oçraştı.

N’yu-Yorktağı başkonsullık öy xucalığında, Türkiyäneñ İlbaşı idaräse êlemtä räislege yärdäme belän awız açu aş mäclese oyıştırıldı.

Türkiyäneñ Berläşkän Millätlär Oyışması daimi wäkile, ilçe Sedat Önal törle din keşeläreneñ Törek yortında cıyıluına şatlanuın belderde.

N’yu-York başkonsulı Reyhan Özgür dä iftar aşınıñ 3 zur din äğzaläre arasında üskän duslıqnıñ dälile buluın citkerep: “Bu iftar şul uq waqıtta keşelekkä qarata cinayät’ bulğan rasaçılıq, çit il keşelärenä qarata doşmanlıq, İslam doşmanlığı häm yähüdlärne doşman itep kürü qurqınıçına cawap bulıp tora,” – dide.

İftarda Berläşkän Millätlär Oyışmasınıñ Ŝivilizaŝiyalär ittifaqınıñ yuğarı wäkile Migel’ Moratinos belän N’yu-Yorknıñ Ravvinnar şurası başlığı Djozef Eli Weinstock häm başlıq yärdämçese Djoseh Potasnik, Amerikan Pravoslav arxiyepiskopı Elpidophoros häm İmam Şamsi Ali dä aralarında bulğan dini liderlar çığış yasadı.

Qunaqlarğa törek aş-suları täqdim itelde.