Ärdoğan - Täbbun söyläşüe uzdı

Aljir däwlät başlığı Abdülmäcit Täbbun Türkiyä ilbaşı Räcäp Tayyip Ärdoğan belän Sudandağı waqıyğalarnı qaradı.

Aljir İlbaşı idaräsennän yasalğan yazmaça belderügä kürä, däwlät başlığı Täbbun belän Türkiyä ilbaşı Ärdoğan telefonnan söyläşte.

Belderüdä bolay diyelä: “İke il liderı qardäş il bulğan Sudandağı qurqınıç häm borçuğa saluçı täraqqıyät’lärne quzğattı. Söyläşüdä wazğıyät’neñ säyäsi bularaq kontrol’ astına alınuı häm bu möbaräk Ramazan ayında qardäşlär arasındağı bäreleşneñ tuqtatıluı öçen çişeleş tabu yulları qaraldı häm dialognıñ ähämiyäte assızıqlandı.”

Täbbun belän Ärdoğannıñ ike il mönäsäbätlären häm bu mönäsäbätlärne üsterü yulların da söyläşüe belderelde.

Liderlar ber-bersen yaqınlaşuçı Ramazan bäyräme belän qotladı.

Aljir däwläte Ğaräp Ligasınıñ çirattağı räise sıyfatı belän Sudanda armiya belän Operativ yärdäm köçläre arasında başlanğan bäreleşlärne tuqtatırğa häm kileşmäwçänlekne dialog yärdämendä çişärgä çaqırğan ide.